طول عمرى باحب أتفرج على الأفلام القديمه(أوى)
واشوف المشهد المعتاد:هاك دنانيرك ياعكرمة
ودايما كنت باتمنى انى ابقي عكرمه واخد دنانيري واطلع اجرى
ولما المشهد جه يتكرر-الحمدلله-وقررت جهات عليا ف البلد توزيع اسهم على الشعب
فرحت جداً وحسيت ان حلمى قرب يتحقق
وحاخد مصكوكات بقي
ولكن للأسف الحلم طاااااااار
لان الاسهم حتتوزع على اللى سنهم21سنه فما فوق.. يادى النحس
يعنى فاضللى 5سنين واخد مصكوكاتى
طب ليه؟هو انا مش مصرية لا سمح الله؟
ياخسارة اغنيه(بحبك وحشتينى)اللى فضلت مشغلاها طول مانا ف الطيارة
طب ده على كده صابر الطيب ف فيلم عاوز حقي كان احسن
على الاقل كان حيوزع الفلوس على ال80مليون
طب والله انا لاحظت حاجه
ان الفئة العمريه من10-20دى مهدور حقها ف البلد دى
يعنى مبناخدش اسهم
وبنتطعم ضد الحصبه
ده احنا لسه بنشرب اللبن قبل ماننام
وكده 100لون وكده100والكل سيربح المليوووووووووووووووووووووون
4 Responses to "عاوزه حقي!" (Leave A Comment)
24/11/08 1:05 ص
العزيزة صاحبة الشخابيط
يتر بعد الاسهم ما تتباع هنتباع احنا كمان ولأ
ومين عارف حالك رايح على فين يا مصر
انت عارفه انا خايف يجي وقت نقول على مصر الله يرحمها
تقبلي مروري
26/11/08 11:49 ص
تصدق احنا كمان ممكن نتباع
بس تفتكر مين اللى ممكن يشترى مواطن مبهدل زى حالاتنا؟
هههههههه وللا يمكن حيدوا على كل نفر مننا هديه تلفزيون مثلا
26/11/08 1:18 م
ندىىى
ايه الروعه دي يا بنتي
والله بجد البلوج حلو اوي
نورتي التدوين بج وبحب ديزيناتك جدا على فكره
ربنا يحرسك يابنتي
وبخصوص البلد اللي هيسهموها ديي
والله ما فهمه حاجه بس هي الحكومه عمرها ما بتعمل خير
ربنا يستر
26/11/08 1:41 م
ربنا يخليكى يابنت الماضي
رفعتى من روحى المعنويه
ده انا كنت بافكر اقلب البلوج عربية بطاطا
بس انا وجهة نظرى ان الحكومه عارفه مصلحتنا اكتر مننا
بس هى تتوصي بالنشء اللى تحت21سنه
وتدينا حته ده احنا غلااااااااابه والله
منورة البلوج يا قمر
إرسال تعليق