انا حقيقي تعبت
لا انا مش تعبت بس..انا اتخنقت
نظام تعليم فاشل
بيعتبر الطالب"حمار"لازم تتحشي المعلومات ف دماغ سيادته
حل كتييييييير تجيب مجموووووع
مفيش افهم تجيب مجموع
مفيش طبّق اللى اخدته تجيب مجموع
فى نظام عفي عليه الزمن
في ان الطالب بقي مجرد آله بيحفظ كلمتين يدخل يدشهم
انا مش باعيب ف الطالب
لانى انا شخصيا كده
انا باعيب ف النظام والظروف اللى وصلتنا لكده
اللى تخلى واحده ف ثانويه عامه زيي مدفونه بالحيا
وطالع عين اهلى مصاريف وكتب
وطالع عينى مذاكره وحلّ
وغيري ف الاخر بيشترى الامتحان ب50جنيه
وف الاخر ممكن يجيب اكتر منى
الظروف اللى تخللى المراقب بعد ماخلص الامتحان يقهرنى
ويخلينى اغشش اللى قاعده جمبي
النظام اللى بيصعب الامتحانات كل سنه بس عشان الحرب اللى بينه وبين المدرسين
اللى بيدوا دروس
طب والطالب ماله؟
طبعا حتقولوا ايه اللى فكرك فجأه بالنظام وبالدراسه ماتخليكى ف اللى انتى فيه
وذاكرى ماكلنا ذاكرنا
حاقوللكوا انا مسلّمه امرى لله بس تعبت
واتخنقت
وهى بقت حاجه تقرف اصلا
وربنا يعدى السنه دى على خير
4 Responses to "اتخنقت" (Leave A Comment)
4/2/09 10:25 م
موضوعك فكرني بذكريات الثاناوي ..
يمكن ايامها كان تفكيري قريب من تفكيرك
و كنت دايما بأبدي اعتراضي على الوضع و الظروف المحيطه ..
لأن فعلا معاكي حق .. وضع غريب
كله من خلاله بيحارب في كله ..
و طبيعي الطالب هو الضحيه ..
و يؤسفني اني اقول انه ضحيه مستهدفه ..
التعليم حاليا من ضمن سياسات البلد الأمنيه ..
زي ما كل حاجه في بلدنا بقت مربوطه بطرف في الامن و وزارته المصونه ..
بس يمكن في مرحله زي اللي انتي فيها ..
مش في ايدك غير انك تحاولي تحافظي على عقلك من الصدء و الجنون ..
و تتخطي المرحله دي ..
عل و عسى تكوني قادره على التغيير فيما بعد ان شاءالله..
و انا واثق انه ممكن يحصل من شخصيه زيك..
انا عارف اني طولت شويه ..
لكن فعلا كلامك شدني ..
بشكرك ... و بتمنالك النجاح و التوفيق
(ملحوظه)
عجبني الاغنيه في خلفية البلوج ..
اول مره اسمعها .. احيكي على اختيارك
5/2/09 12:57 م
مش الطلبة لوحدهم اللى اتخنقوا اولياء الامور كمان
--------------
ممكن تشيلى تاكيد الكلمة حين ارسال التعليق
6/2/09 11:55 ص
والله ياعلاء أنا بادعى ان ربنا يعدى السنه دى على خير منغير مااتجنن
الواحد مبقاش مستحمل كمية البيروقراطية اللى ف كل حاجه
أنظمه متخلفه جداً ومناهج محطوطه بهدف ان العيال يتجننوا!
بالنسبه للاغنية بصراحه شدتنى جدا لما سمعتها صدفه
منور البلوج:)
8/2/09 5:13 ص
والله ياموناليزا أنا عارفه ان اولياء الامور تعبوا
ده كفايه حرقة الدم وشدة الأعصاب ف الامتحانات
انا مش باحط تأكيد الكلمه والله
ده هى بتظهر ف بلوجات وبلوجات
منورة البلوج:)
إرسال تعليق